鮨竜 (已結業)

前几日同朋友一齐去黄埔呢间高质嘅日本菜食Omakase。呢到嘅Omakase价钱都几抵食，$480-$1880嘅都有，我今次就拣左个$980嘅。一开始就上左个茶碗蒸先。之后有以下四款刺身。北海道野生天然帆立贝依家嘅帆立贝当造，贝柱位特别甜。因为系野生嘅帆立贝，所以贝柱比较大，口感比较有弹性。师傅加左啲柚子喺上面，食落酸酸甜甜。笛鲷上面配上笛鲷干酱，加少少生姜花。间八口感韧中带有少少嘅脆感。长崎拖罗肉质鲜美，口感柔软。之后就到两款熟食。黑梅贝旨煮上面有辣椒丝，食落滑滑地，辣辣地咸咸地，几惹味。免治鸡肉棒用左鸡软骨，点埋长崎县鸡蛋嘅蛋汁，口感滑嫩带脆。食寿司前有一份青柠啫喱，入口酸酸地，好清新。章泥乌贼胶质比较高，食落黏口，上面有柚子。深海池鱼上面配上柚子胡椒。北寄贝上面加左青柠汁，食落口感比较清新。樱鳟春天先有，依家食系捉紧最后嘅尾巴。虽然望落似三文鱼，但食落比三文鱼嘅肉身软滑，比较甜啲。赤贝口感爽口。赤身鱼味好重。北海道马粪海胆海胆好清甜好creamy。紫菜都够香脆。食完寿司饮返碗汤，之后就开始食甜品啦。甜品有两款，分别系日本紫薯雪糕同埋法式焦糖蛋糕。两款甜品都唔会太甜，好食。