京林屋 (已搬遷) 新店位置

京林屋一开张既时候万人空巷，至少要等一个钟先有机会一试。我呢个无咩耐性既小朋友忍到几个月，终于有机会唔洗等就入左去食。我选择左平日既6点钟黎到，上班族放左工都未出到铜锣湾所以先可以有位食。一踏入京林屋，木危与白色既装潢令人彷佛置身于日本既茶园，令人感觉轻松舒服。抹茶荞麦面 $78寒冷既天气下驱使到我点左个热既荞麦面。酱酒汤底味道香浓而易入口，抹茶面虽然较软身但挂汤能力不俗，每一口都能够感受到汤既味道。抹茶红豆年糕甜汤 $68呢个强烈推荐- 浓郁既抹茶汤甘香而轻微带点抹茶既苦涩味，配上香甜大粒既红豆真系完美组合，红豆平衡了抹茶既苦涩, 加上烟轫既年糕，值回票价!抹茶卷蛋 $88推荐推荐-平时对卷蛋真系无咩好感，但见咁多人话好食所以叫左....估唔到真系好好味，抹茶味道香浓，蛋糕绵密扎实.....我想成条卷蛋买走番屋企慢慢食!香港限定パフェ $98贪心既小朋友最钟意呢个，一次过满足好多个愿望：抹茶雪糕，抹茶啫喱，白玉，红豆，士多啤梨果肉!抹茶雪糕软滑，味道偏甘甜。