台風。R

营业中

休息中

呢间拉面店其实我一路都好钟意食嘅，前晚同朋友食饭，嚟到湾仔唔知食咩好，我就带埋佢一齐嚟食呢间拉面啦。海虾味增沾面$88呢个就系我钟意食呢间拉面店嘅原因啦，我每次都系叫呢款嘅。因为佢嘅虾味真系好浓，入面又有好多樱花虾，虾味正到我次次都忍唔住饮埋啲汤。另一个我好钟意呢间餐厅嘅地方系，佢本身碗沾面会有笋、半熟蛋、紫菜同埋叉烧，如果有是但一样唔食嘅话，可以选择转做其他材料，我就次次都会将笋转走嘅，有时就转做半熟蛋，会多半只蛋，不过今次我就拣转做叉烧啦。同埋特别一提嘅系，呢度嘅叉烧比较特别，佢系真空低温烹煮，啲叉烧食落特别嫩滑，但又唔会好肥，好似冇乜点喺其他地方食到过呢种叉烧，好特别但好好食。食沾面又点可以唔提佢个面呢，佢个面系比较粗身嘅面，面质弹牙，亦都非常挂汤。我拣咗冻嘅，咁个口感就再正啲啦。浓厚蟹虾豚骨拉面$88呢个系朋友食嘅，酱汁方面佢拣左少量，但佢都话好好味，佢好钟意食。佢就冇走笋，所以啲叉烧就冇我咁多，但佢话啲笋好好食。每次食沾面，我都系谂起呢间，可能永远都唔会食厌。