影片
更多
2023-11-29
115 浏览
近排听同事讲有间中环既拉面店好好食,所以约朋友过来试下呢间著名日本拉面店GOGYO五行走型格风,环境宽敞舒适,有酒吧枱亦都有梳化位,装潢融合传统日式居酒屋同现代酒吧元素,可以一边食野,一边饮返杯,好似去咗高级餐厅用餐嘅感觉,呢度嘅食物除咗最出名嘅拉面之外,仲有多款佐酒小食,串烧,寿司,刺身,啤酒等,用上高级食材同埋精美嘅摆盘,喺度食嘢真系绝对系享受☆ 浓厚周打蚝拉面呢个系以日本传统正宗拉面,结合美式周打海鲜汤嘅创新配搭!!拉面嘅精髓就系个汤底!!佢以慢煮嘅方式将豚骨汤同意式忌廉酱料熬制而成,质感幼滑,浓郁得来唔会腻,配上自家制较粗身嘅面,比较弹牙有咬口,比平时嘅拉面更吸收到汤底嘅浓郁精华,味道同口感都好丰富,加埋以帕马森芝士同松露油调味嘅烟熏蚝,肥美鲜甜,仲有好大条又香脆嘅烟肉,薯粒同半熟蛋一齐食超好味☆ 松露油帆立贝意式沙律爽甜嘅番茄,配上厚身又有口感,同埋食起来好鲜甜嘅帆立贝真系好夹,再加埋松露油嘅点缀,香味浓郁,每啖都渗透著浓厚嘅松露味,提升咗沙律嘅味道同层次!☆ 法式烤牛清汤拉面大大片牛肉片,有好多大理石纹嘅油花,肉质柔软,入口嫩滑多汁,牛肉嘅鲜甜味深深咁留晒系个汤底度,清澈唔
呢间著名日本拉面店GOGYO五行走型格风,环境宽敞舒适,有酒吧枱亦都有梳化位,装潢融合传统日式居酒屋同现代酒吧元素,可以一边食野,一边饮返杯,好似去咗高级餐厅用餐嘅感觉,呢度嘅食物除咗最出名嘅拉面之外,仲有多款佐酒小食,串烧,寿司,刺身,啤酒等,用上高级食材同埋精美嘅摆盘,喺度食嘢真系绝对系享受
☆ 浓厚周打蚝拉面
呢个系以日本传统正宗拉面,结合美式周打海鲜汤嘅创新配搭!!拉面嘅精髓就系个汤底!!佢以慢煮嘅方式将豚骨汤同意式忌廉酱料熬制而成,质感幼滑,浓郁得来唔会腻,配上自家制较粗身嘅面,比较弹牙有咬口,比平时嘅拉面更吸收到汤底嘅浓郁精华,味道同口感都好丰富,加埋以帕马森芝士同松露油调味嘅烟熏蚝,肥美鲜甜,仲有好大条又香脆嘅烟肉,薯粒同半熟蛋一齐食超好味
☆ 松露油帆立贝意式沙律
爽甜嘅番茄,配上厚身又有口感,同埋食起来好鲜甜嘅帆立贝真系好夹,再加埋松露油嘅点缀,香味浓郁,每啖都渗透著浓厚嘅松露味,提升咗沙律嘅味道同层次!
☆ 法式烤牛清汤拉面
大大片牛肉片,有好多大理石纹嘅油花,肉质柔软,入口嫩滑多汁,牛肉嘅鲜甜味深深咁留晒系个汤底度,清澈唔油腻,每一啖汤都渗出香气独特嘅白松露味,可以做出咁好味嘅烤牛清汤拉面都系因为同咗美国经典扒房 Lawry’s The Prime Ribs 合作,佢哋严选美国黑毛安格斯牛肉,先食到高质嘅牛肉同清甜顺喉嘅汤底!
☆ F.T.W.辛口手羽先
单骨鸡翼炸得啱啱好,外皮香脆,辣辣地,唔油腻同腌得好入味,最啱做下酒小食
☆ Phases ~ GOGYO x HEROES PHASES
Phases系GOGYO同Heroes联乘而特别调配嘅手工啤酒,未开始饮就闻到核果,桂花同香辛料嘅味道,山椒,柚子同柑橘味会慢慢渗出来,甜甜地辣辣地,好啱一边食小食一边饮返杯！同埋原来而家Happy Hour时段有买一送一优惠，而 八兵卫嘅串烧仲有7折添，好抵！
张贴
