麺屋·隠 (已結業)

今次同屋企人黎到呢间麺屋·隠食拉面，装修日式得黎好似有d昏暗咁。而张櫈系木制既，所以坐得耐会有少少痛。咁我同屋企人就分别要左佢既黑隐同限定隐。落单既时候可要简返有d咩配料系要，有d咩配料系唔要，面既软硬度同埋汤既浓淡度都有得简。黑隐其实就姐系黑蒜油拉面，我钟意重口味所以简左最浓既汤底，黑蒜味非常浓郁，半肥瘦叉烧不过味度就一般，冇咩惊喜。而限定隐系鲣鱼汤拉面，同样鲣鱼味都系非常浓郁。要讲呢间拉面既可取之处就系佢既汤底真系好出色。