一鳴拉麵

营业中

休息中

琴晚突然好想食拉面，咁岩又响大埔，就谂起之前食过间好好味引抵食既拉面店。无错，就系一鸣喇今日去食果阵已经超肚饿，本身已经打算要叫多ｄ野食。所以今次叫左一个拉面加一个炸物小食。一直以黎都系辣野既爱好者，所以就算系食唔同地方唔同铺头既拉面，都一定系叫辣味拉面。入黎坐低即刻有人招呼我，比左一大樽柠檬水同埋餐牌我。入面拉面可以有好多不同配搭，唔同硬度配料。除左叫左个辣拉面仲叫左个炸软壳蟹，食落真系冇后悔叫左佢。落完单就禁住手机慢慢等，望下周围发现间铺原来都几似之前去日本居酒屋ｆｅｅｌ，感觉几有特色。睇落周围都好干净同卫生，同其他拉面店唔同，试过有大型连锁拉面店成地肉都冇人清理。等左大约５—１０分钟左右个拉面就到左，虽然辣度唔系好够（但食落唔系淡，而系用辣引到个汤底香味出黎），食落都有另一种风味。而且软硬度岩岩好，好易入口。再过多１０分钟只软壳蟹终于都黎埋，只炸蟹味好鲜同埋好ｊｕｉｃｙ，再配埋柠檬汁完全将个蟹香味带上另一个高峰。而且系即叫即炸，炸物真系要够热先好食。但如果可以早ｄ黎就更加好。经过大埔可以去试下依间拉面铺。