博多拉麵別天神 (已結業)

今日同朋友去食拉面，7点左右门口已经有6，7个人排队，果然系旺角人气拉面，等咗10分钟就入坐，都算快。 门口有部自助售票机(用八达通买)，同日本一样，自己点餐买飞，跟住排队等入坐，然后比张食劵店员，最后等食，十分简单。餐牌只有2款拉面(虾味噌汤/豚骨汤)，同2款小食(小龙虾蟹籽沙律/饺子)，可以单点拉面或套餐(配2款小食)。环境有少少似日本格局，地方虽然细，但设备都几齐全，枱面有调味料， 纸巾，水。小龙虾蟹子沙律沙律酱唔会太多，食到有小龙虾肉，仲有蟹籽既粒粒口感， 唔错的前菜。豚骨汤面猪骨汤底系乳白色都算几浓厚，不会太咸，好好饮，拉面软硬适中，流心蛋食酱油味，叉烧略嫌唔够肥美。虾味噌豚骨面比猪骨汤多咗一阵海鲜味， 我钟意呢个汤底多啲。饺子煎得岩岩好不会过㶶，但唔够脆口，馅是白菜同猪肉，饺子汁调得好好味。