魚蛋哥

营业中

休息中

疫情之下好耐都冇出去行街，食嘢， 今日出旺角买啲嘢见到呢间舖头干净企理，但碍于限聚令都系外卖返屋企食。外卖返到屋企都要十五分钟打开啲食物都仲系暖暖哋， 叫咗车仔面好担心索水，原来呢间舖头好贴心有分隔装置， 叫咗萝卜好淋，猪肠洗得好干净， 猪油渣就有改善空间， 汤底叫咗小辣都唔系好辣而且味道浓沃。 整体都系唔错嘅。叫咗肠粉，估唔到有惊喜，都系平时啲酱汁但食得出豉油有少少分别， 而且佢都好滑。碗仔翅我就觉得稀咗啲，至于鱼蛋同烧卖都系唔错嘅， 鱼蛋辣味比较重 ，对于食辣嘅人嚟讲都系唔错。扫街小店嚟讲我都会畀几高分，亦都会推荐畀我身边嘅朋友， 下次路过可以试下