牛舞日本燒肉‧涮涮鍋放題 (1亞太中心) (已結業)

我地叫既餐系精选烧肉放题，有好多唔同既靓牛，仲有好多其他食物去烧，又有啲小食同炸物，好抵！呢度既肉都系高级靓肉，好令人回味！就好似牛冧肉片，安格斯一口牛同牛肋肉，全部都好食，牛冧肉呢筋膜较少，肉质好弹牙，油脂亦唔算多，相比一口牛同牛肋肉就嫩好多，肉质各有特色，牛味就全部都好浓，系好食既！而普通啲既烧汁美国肥牛片同味增美国肥牛片都唔错，虽然肥啲，但牛味亦好出，肉质都系腍身既，同样出色！另外既肉好似烧肉汁鸡腿肉都值得食下，鸡腿肉肉质好滑嫩，烧汁腌过既鸡肉味道都好香，爽爽的！打边炉既寿喜烧汤底亦唔错，甜甜地又唔会太咸，打边炉岩晒，日本风味呀！仲有啲胃口净既我地试埋小食，有天妇罗，秋葵炒牛肉同甜蜜蜜蕃薯条，天妇罗同蕃薯条就好香口，蕃薯条甜甜地又脆口，天妇罗亦都好香口，外脆内软，秋葵炒牛肉嘅口感亦都好好食，秋葵又健康，食小食都食到唔想停！