大喜屋 (已結業)

难得放半昼，出下城揾下朋友食饭啦。早一日已经book 好位，食放题紧系要做足准备，晏昼食半饱，lunch后要做下运动促进消化，18:00就啱啱好好肚饿喇，哈！之前都食过同一集团嘅殿大喜屋，好正但贵一截，心谂同一集团攞货都应该一样，就试试呢间啦。讲返食物，刺身点左甜虾、带子、剑鱼腩、螺肉同贵价嘅池鱼王，每样刺身都好新鲜，个人较喜欢螺肉，好香螺味，正！寿司方面，寿司饭十分对味，软实适中，个人十分喜欢火炙寿司，油香四溢。创作寿司整得好精致好靓，有卖相又好味。呢度嘅寿司全部都系细细件，可以试多几件，结果食左好多件。手卷叫左至爱海胆同吞拿鱼腩蓉，紫菜十分脆，细细件一啖一件，海胆新鲜无怪味，吞拿鱼腩蓉甘香无筋，正！烧物方面，烧羊鞍、牛舌同菠萝一定要食，羊鞍十分软滑又带羊味，调味适中；牛舌甘香爽口；菠萝十分甜仲可解油腻。锅物叫左个牛肉锅，系寿喜烧味，牛肉香又软淋，一份有三片牛肉，一些蔬菜，全清。甜品又系细细件，焦糖炖蛋嘅糖面做得好脆，唔错。榴连迷必点嘅有榴连炸弹同榴连糯米糍，我食左三粒炸弹，不过要小心，要热的！呢度嘅雪糕限定每人一杯，叫左期间限定的黄桃乳酪味雪糕，为这餐划上完美句号。最后想讲大喜屋服