影片
更多
2016-06-22
2231 浏览
朋友仔考完试终于放监啦，同佢去擦餐劲既庆祝下先。上网见到呢间放题好似唔错，即刻book位试下先。七点去到，岩岩开始入座，坐低即刻叫野食。刺身黎得食放题点会唔叫刺身啊，呢度既刺身款式都算多，当中帆立贝最令人惊喜。虽然唔算大粒，但系超厚切，食落口啖啖肉，正呀！另外甜虾都好够大只，放题来讲质素唔错。军舰见大家来呢度都一定会点军舰，我又点会错过呢。海胆军舰同鲍鱼军舰绝对系必点。原只鲍鱼上，虽然唔算大只，但口感丰富，值回票价。辣酒煮东风螺呢个绝对系必食推介，一客八只我自己食左两客。东风螺够大只，而且冇沙，配埋个辣酒超夹的。不过味道的确偏辣，唔食得辣既人要注意啦。蒜香一口和牛粒和牛超腍，简单的用蒜蓉一齐炒，已经好入味。平时放题食既和牛通常都韧到不得了，难得呢度超软超腍，正！豚肉鸡软骨饺子热辣辣咁上台，好难令人唔钟意你㖞。入面馅料够丰富，加上脆卜卜既外皮，就算唔使配上酱料都一样滋味。甜品点左北海道3.6牛乳奶冻同焦糖炖蛋。奶冻味道唔错，牛奶味都好出；不过焦糖炖蛋略嫌失色，上面是热的，下面却是暖的，有点失望。饮品款式唔算太多，大约十款，但有我钟意既康师傅冰红茶，已经满足到我了。今晚当然系又一次抱住个肚
刺身黎得食放题点会唔叫刺身啊，呢度既刺身款式都算多，当中帆立贝最令人惊喜。虽然唔算大粒，但系超厚切，食落口啖啖肉，正呀！另外甜虾都好够大只，放题来讲质素唔错。
军舰见大家来呢度都一定会点军舰，我又点会错过呢。海胆军舰同鲍鱼军舰绝对系必点。原只鲍鱼上，虽然唔算大只，但口感丰富，值回票价。
辣酒煮东风螺呢个绝对系必食推介，一客八只我自己食左两客。东风螺够大只，而且冇沙，配埋个辣酒超夹的。不过味道的确偏辣，唔食得辣既人要注意啦。
蒜香一口和牛粒和牛超腍，简单的用蒜蓉一齐炒，已经好入味。平时放题食既和牛通常都韧到不得了，难得呢度超软超腍，正！
豚肉鸡软骨饺子热辣辣咁上台，好难令人唔钟意你㖞。入面馅料够丰富，加上脆卜卜既外皮，就算唔使配上酱料都一样滋味。
甜品点左北海道3.6牛乳奶冻同焦糖炖蛋。奶冻味道唔错，牛奶味都好出；不过焦糖炖蛋略嫌失色，上面是热的，下面却是暖的，有点失望。
饮品款式唔算太多，大约十款，但有我钟意既康师傅冰红茶，已经满足到我了。
今晚当然系又一次抱住个肚走啦。估唔到平日都咁旺场，大家黎记得book位啊。
张贴
