影片
更多
2020-10-28
65 浏览
历久不衰嘅放题-考完试食乜好？放题。拍拖又食乜好？放题。约朋友食乜好？放题。好啦，放题真系好百搭，咩时候都系食放题，满屋已经开左好多年，至今仍然未执笠系有佢原因嘅，所以今日约左朋友一齐食放题。-我觉得满屋嘅食物选择好多，有刺身、寿司、烤物、天妇罗、甜品等等，每款再有好多款拣。-我觉得佢嘅刺身同寿司系比较正，有贵价刺身，回本在望呀！佢嘅刺身包括油甘鱼、北海道带子、虾等，我觉得overall都几高质，例如带子好大粒同鲜甜，虾都冇起白（解冻后翻雪）或者起黑（唔新鲜），所以我地都好满意。寿司都好多选择，又有握寿司又有军舰寿司，款式都好多，我地最钟意火焰三文鱼腩寿司，佢油香味浓，再加少少蒜蓉，超级正。火焰左口鱼都好正，鱼油多，有少少焦味，好正。军舰嘅紫菜唔会软晒，同有我最爱嘅三文鱼籽呢！仲有海胆手卷都可以快啲回本。同最值得一赞嘅系佢啲寿司饭唔多，鱼生反而大大旧，方便食多几件！-烧物同熟食方面都几好，我地试左牛舌串烧，几好，少少盐系上面同都几厚切，食得出系即烧。烧菠萝都唔错，系用新鲜嘅，酸酸甜甜，好正。但系有个牛舌嘅小菜就真系唔掂，汁太涩，建议落少啲生粉开会好啲。而个象拔蚌炒菜就得好少象拔蚌，虽然
-
考完试食乜好？放题。
拍拖又食乜好？放题。
约朋友食乜好？放题。
好啦，放题真系好百搭，咩时候都系食放题，满屋已经开左好多年，至今仍然未执笠系有佢原因嘅，所以今日约左朋友一齐食放题。
-
我觉得满屋嘅食物选择好多，有刺身、寿司、烤物、天妇罗、甜品等等，每款再有好多款拣。
-
我觉得佢嘅刺身同寿司系比较正，有贵价刺身，回本在望呀！佢嘅刺身包括油甘鱼、北海道带子、虾等，我觉得overall都几高质，例如带子好大粒同鲜甜，虾都冇起白（解冻后翻雪）或者起黑（唔新鲜），所以我地都好满意。寿司都好多选择，又有握寿司又有军舰寿司，款式都好多，我地最钟意火焰三文鱼腩寿司，佢油香味浓，再加少少蒜蓉，超级正。火焰左口鱼都好正，鱼油多，有少少焦味，好正。军舰嘅紫菜唔会软晒，同有我最爱嘅三文鱼籽呢！仲有海胆手卷都可以快啲回本。同最值得一赞嘅系佢啲寿司饭唔多，鱼生反而大大旧，方便食多几件！
-
烧物同熟食方面都几好，我地试左牛舌串烧，几好，少少盐系上面同都几厚切，食得出系即烧。烧菠萝都唔错，系用新鲜嘅，酸酸甜甜，好正。但系有个牛舌嘅小菜就真系唔掂，汁太涩，建议落少啲生粉开会好啲。而个象拔蚌炒菜就得好少象拔蚌，虽然好有锅气，但份量真系唔够（虽然可以再叫⋯⋯）
-
佢出面有啲熟食同甜品攞，有鸭胸、熟虾、薯格、章鱼烧、沙律等，我觉得质素都几好，不过容易饱肚，食唔食就见人见智啦！而我觉得佢甜品就麻麻，有啲真系唔系好掂，唯独值得赞嘅系佢啲芝士挞，有流心、滑、芝士味浓，出面成$23个，食两个已经好抵啦！同佢有好多饮品拣，有冻有热，上至汽水下至维他奶，仲有茶同酒，甚至系热烧酒，好正！不过佢个地板唔算好干净，有啲痴笠笠，有改善空间，不过真系好好坐，好寛落。
-
最后，好值得一提嘅系佢上菜速度快，就算系第二三四轮都好快，同员工服务态度都好好。我觉得尼个地方无论系食物质素或者性价比都好高，约朋友一流！
张贴
