孔夫子 (Club East洞天) (已結業)

今日老板请晒一众手足去食lunch。从来都未听过呢间"孔夫子"，本来都无乜特别祈望，但去到之后，见到楼下个管理员叔叔已经好有礼貌，心谂，喺呢度开得舖，应该都有番咁上下。入到酒楼一坐低，见到枱面上方咗一个用竹做成嘅书"论语"做装饰，就觉得有心思。见到menu入面有黑毛猪叉烧、黑毛猪叉烧包、松茸蘑菇包……有好多好特别嘅食物。老板好豪爽，点咗好多好嘢俾大家食。除咗虾饺、鱼汤鲜竹卷、黑毛猪叉烧包等等的点心之外，仲有铜盘鳝蒸饭、鲍鱼面、西芹炒海参、腊味炒芥兰……全部食物都好好味，当中"孔府招牌肠粉"好特别，里面有一层脆脆，入面包住D素料，几清爽。烧乳猪整得非常好食，外皮松脆，肉质嫩又能保持肉汁，非常高营。另外炸虾亦有惊喜，用咗类似橙汁嘅汁做点缀，甜甜酸酸，好好味。另外，西芹炒海参中的海参份量不少，腊味炒芥菜中的腊味包含腊肠、膶肠和腊肉，可以照顾到不同人的不同口味。服务质素亦不错，侍应生反应快。差不多我地一打开个茶壶盖，就有人帮我地加水。整体而言，高水准，高质素。