荳子 (新城市中央廣場)

营业中

休息中

夜晚黎到沙田行街，一时谂唔到食咩就醒起沙田有间听讲好高质既cafe，同埋呢间餐厅都算出名，成日都有听过佢个名，今次就黎试一试佢！今次我地叫左一份青咖喱软壳蟹意大利饭($138)、烤三文鱼扒($168)，再加左一份薯条配黑松露酱($28)，薯条份量都好足，如果唔钟意黑松露酱仲可以选择芝士酱！我见差唔到每一枱客都有叫到，薯条真系好受欢迎青咖喱软壳蟹意大利饭，首先个意大利饭真系做到意大利饭既口感，虽然睇落去唔太有青咖喱既感觉但系食落去系有香浓既青咖喱味同口感烟韧，系意大利饭既口感！软壳蟹当然就系原只上，味道唔差都几好食！烤三文鱼扒，见餐单上写住系新出品，就试一试佢！当初叫个阵仲怕佢会太细块会唔够食，点知完全唔洗担心，份量好足三文鱼扒下面会跟薯蓉，呢间餐厅既薯蓉好易入口，口感好特别，我好钟意！三文鱼扒又唔会烤得太油，整体黎讲都几唔错！十分推荐跟住我地仲叫左一杯热既维也纳朱古力同冻既榛子朱古力，朱古力味都好浓郁几好，好满意！下次仲想试埋佢地既意粉同薄饼价钱都唔算太贵，系一间性价比高既cafe，会推介比多d朋友食！