御品千の味刺身壽司專門店 (海寶花園) (已結業)

屈左喺屋企自闭左好多日，终于顶唔顺想出去食个饭。就同朋友近近地，去左呢间新开既舖头食野。由于武汉肺炎，条街好少人。呢间舖头就算系新开+今日撞啱感谢日有$20午餐都好少人。Lunch唔驶等位，直接行入去就可以坐低嗌野食。野食都好快黎到。我同朋友就冇叫$20午餐，我哋叫左御品‧半熟牛扒定食(转乌冬)、生姜汁日本豚肉定食，然后加左日式炸饺子同埋珍宝赤虾。感谢日menu午餐menu午餐menu珍宝赤虾珍宝赤虾︰超大只，肉质非常爽口弹牙，好新鲜，食落超满足，仲要超多膏！！非常推介追加生姜汁日本豚肉定食生姜汁日本豚肉定食︰猪有少少浓味，但系送饭唔错。手卷一般，但系完全冇谂过会系鳗鱼。御品‧半熟牛扒定食御品‧半熟牛扒定食︰我就加钱转左乌冬，然后拣左温泉蛋。半熟牛扒份量几多，好腍，而且个汁几夹，放落口好香。乌冬烟轫有口感，汤饮落唔会口渴，带少少咸味。店员服务好好，见到我哋食完既碗碟会好主动问我哋，然后拎走。环境唔错几好坐，播既歌都几好听，又唔会太大声。价钱合理，野食高质。