影片
更多
2022-10-09
693 浏览
鱼子酱煎龙趸🥩A5鹿儿岛和牛扒🦀鲜甜花蟹鱼汤！-香港越黎越多银座式商厦，即系有买有食嘅写字楼，而且环境装修靓，多数都比较高端，而糖街新起呢座就系其中之一。而呢间新开餐馆位于高层，仲有几枱户外露台位，夜景超级迷人。主打日法料理，而且用上唔少海鲜，既有日本嘅食材鲜美，又有法菜嘅精致烹调手法。-🍴6-course Menu ($760)🥓金箔鱼子酱 手磨山葵柚子醋 三文鱼他他睇名都见矜贵，鱼子酱嘅浓厚鲜味，配上山葵柚子醋酸甜，开胃又冲击味蕾嘅一道前菜。🦪慢煮矶烧鲍鱼经两小时慢煮嘅鲍鱼，非常入味之余，口感软腍，简单得黎又令人难忘。-汤品：🦀花蟹肉立鱼浓汤令人惊喜嘅鲜浓汤，新鲜花蟹生拆蟹肉，加入足料立鱼，熬得浓郁又浓稠，鲜甜无比。🥩北海道带子原只日本迷你南瓜汤 (+$40)同样质感浓厚嘅浓汤，用上原只日本南瓜，特别浓甜，加上北海道带子，更显鲜味。-主菜：🥘北海道海胆意大利饭 (+$40)六道菜重点之一，非常重手地铺满 北海道海胆，极足料鲜甜，意大利饭加入浓厚芝士，啖啖芝士同忌廉香，邪恶又超满足。🦐焗琵琶虾福袋福袋外层微微酥脆，包住鲜甜琵琶虾，馅料层次丰富，又有琵琶虾鲜味，令人惊喜。🍲煎龙趸 •
-
香港越黎越多银座式商厦，即系有买有食嘅写字楼，而且环境装修靓，多数都比较高端，而糖街新起呢座就系其中之一。
而呢间新开餐馆位于高层，仲有几枱户外露台位，夜景超级迷人。主打日法料理，而且用上唔少海鲜，既有日本嘅食材鲜美，又有法菜嘅精致烹调手法。
-
🍴6-course Menu ($760)
🥓金箔鱼子酱 手磨山葵柚子醋 三文鱼他他
睇名都见矜贵，鱼子酱嘅浓厚鲜味，配上山葵柚子醋酸甜，开胃又冲击味蕾嘅一道前菜。
🦪慢煮矶烧鲍鱼
经两小时慢煮嘅鲍鱼，非常入味之余，口感软腍，简单得黎又令人难忘。
-
汤品：
🦀花蟹肉立鱼浓汤
令人惊喜嘅鲜浓汤，新鲜花蟹生拆蟹肉，加入足料立鱼，熬得浓郁又浓稠，鲜甜无比。
🥩北海道带子原只日本迷你南瓜汤 (+$40)
同样质感浓厚嘅浓汤，用上原只日本南瓜，特别浓甜，加上北海道带子，更显鲜味。
-
主菜：
🥘北海道海胆意大利饭 (+$40)
六道菜重点之一，非常重手地铺满 北海道海胆，极足料鲜甜，意大利饭加入浓厚芝士，啖啖芝士同忌廉香，邪恶又超满足。
🦐焗琵琶虾福袋
福袋外层微微酥脆，包住鲜甜琵琶虾，馅料层次丰富，又有琵琶虾鲜味，令人惊喜。
🍲煎龙趸 • 意大利金箔鱼子酱 伴日本香印提子汁
脂香浓厚肥美嘅龙趸，配上酸甜香印提子汁，中和鱼脂腻感，配搭一流，再加上浓鲜鱼子酱，鲜味填满口腔。
🥩A5日本鹿儿岛和牛 (+$160)
非常肥美嘅鹿儿岛和牛，经过炭烤，外层微微焦香，肉扒再配上和牛原汁，更显肉汁丰富，更加幸福满满。
-
甜品：
🍮焦糖炖蛋布丁
🍫朱古力慕斯
两款甜品都非常浓厚，Mousse用上法国朱古力，浓郁甘香，法式炖蛋表面焦糖香脆，内里蛋香又幼滑。
🍹饮品方面，Mocktail亦系招牌，田中叫咗Shiawase同Scent ($80)，特别浓而酸甜，搭配浓厚菜式或肉类都系绝配。
张贴
