紫醉軒 (已結業)

如果你认为食中菜既地方大致上都系一样，呢度应该可以比到新既体验你。主打新派中菜，由装潢、餐具到菜色都可以比到不一样既感觉。整体环境好吸引我。以紫色红色为主调，墙壁带有霓虹灯既设计，好chill好有格调，而且好舒服。中西合璧，中式餐厅crossover酒吧，想同知己好友举杯畅谈又得，一次过满足哂两个愿望😆［椒盐九肚鱼］第一个反应系：咁大条九肚鱼既😳第二个反应系：啲鱼肉滑到咁既😳连竹签一齐炸，成条九肚鱼既外层非常香脆，但感觉唔油腻。一咬落去，鱼肉滑到好似食紧豆腐咁！应该系食过最滑既九肚鱼，赞👍🏻配合埋炸蒜粒，非常香脆可口🫶🏻［黑砖豆腐］卖相好得意！黑忟忟既外层，初初仲估会唔会系黑芝麻，一咬落去发现阵阵炭香，原来系竹炭制成，好新颖。内里既豆腐又热又滑，呢个配搭非常好味🤤［陈皮鬼马咕噜肉］鬼马在当中用左油炸鬼取代传统既菠萝/桃。咕噜肉肥瘦适中，啖啖肉。酸甜味刚好。［冬菇滑鸡煲仔饭］份量比想像中大煲😆一上菜就闻到阵阵焦香。饭粒分明，口感刚好。冬菇同鸡既份量好足料。初初同妈咪两个都谂住一定食唔哂，点知食下食下⋯😂想再chill啲？呢度仲有室外既位置。好有feel架☺️