Fang Fang (已結業)

平时系中环食饭都系西式野比较多，今日lunch黎左呢间好有格调既中餐试一试。装潢格局既保留中国气息，但同时又做得非常modern。lunch set $198有齐精致点心，前菜，主菜同甜品。点心order左 FangFang虾饺皇配玫瑰樱花虾粉🦐 虾饺里面包含好多只虾，馅料爽口弹牙。粉粿以玫瑰同樱花虾做搭配，食落非常清新。松露杂菌春卷🌯 松露香气逼人前菜点左红参须螺头炖鸡，足料滋润靓汤，汤底好鲜甜好好饮。主菜点左芳芳豉油鸡同琥珀黄金虾配荷叶饭。荷叶饭用咗鲜菌同瑶柱一齐整，好香好好味。黄金虾个虾真系好大只，又爽口弹牙，配上有咸蛋黄口感层次更丰富。旁边用蜜糖炒过既合桃好香口，食唔停！呢个豉油鸡真系冇得顶！鸡件非常嫩滑，完美地吸收左豉油的香味，但系完全唔会过咸，味道控制得刚刚好。旁边嘅豆腐都吸收左个精华好好食。而且份量都几多，全部都系鸡最好食既部位👍🏻👍🏻甜品拣左陈皮红豆沙同生磨蛋白杏仁茶，两款味道都好有水准唔会过甜，系成功既完美午餐ending。