YAMA (裝修中)

沉日去左沙田帝都酒店新开既和食居酒屋YAMA食饭，见到吾少blogger都纷纷推荐，今次就去左试个晚餐。餐厅职员态度友善，一坐底就即刻过来打招呼，我地就叫左个set dinner试试。餐厅比我地想像中阔落，环境幽静，行modern路线，有bar枱area，可以睇住师傅煮野食，好似真系去左日本既感觉，very nice!野食方面，打头阵有生蚝伴酸汁果冻，生蚝非常肥美，同埋个果冻一齐食，感觉好清新好开胃。而中吞拿鱼腩同吞拿鱼牛油果他他配最中饼都好好食，完全系高水准既日式前菜。之后就到左餐厅主打既炉端烧串烧，听闻系用左城中罕有既备长炭炉端烧炭炉，我地食个几串串烧真系有带出炭香味，好香口！重点推介既当然系餐厅招牌名物 “山” 吉列和牛三文治，用左鹿儿岛A5和牛，加上师傅既秘制酱汁，食落口好夹好惹味，食到停吾到口，超正！最后当然吾少得（女人最爱）既甜点，今次set menu既南瓜椰子奶糯米糍，椰味香浓，配埋烟韧既糯米糍，好快就食晒！Yummyyyy值得一提，餐厅既招牌cocktail「一期一会」都几特别，用左日本绿茶去调配，几好饮。