蓮苑 (已結業)

平时去亲尖沙咀，都系食西餐或者日本野。今日咁啱行开K11 ，见到有间中菜厅环境唔错，咁一于入嚟试吓啦。食中菜最紧要梗系饮炖汤啦，呢个螺头炖鸡好香，饮落重好够味添。人哋话试一间中餐厅质素够唔够好，最紧要就系试咕噜肉。呢度既咕噜肉色香味俱全，炸得够哂脆，衬埋个汁简直一流呀。最钟意食辣既我，紧系必叫呢个水煮牛肉啦。个汁又香又够辣，送饭岩岩好呀。而牛肉既烹调时间岩岩好，唔会太硬又唔会太稔。呢个瑶柱蛋白炒饭都又香又足料，炒得够哂干身。而且有足够既菜，食落感觉好健康呀呢间餐厅环境又靓，价钱亦够平民，等我下次带屋企人再黎食先。