養心殿台式養生鍋 (已結業)

平日晚上黎到呢间养心殿，之前已经听好多人话呢间好好食，我都好期待呀，叫左个美人锅配养生锅，两个都超级好味，又劲足料，冇谂过有咁多人参又咁大只鸡呀！店员仲提醒我地打边炉前要饮左汤先！食物方面我地嗌左黑松露虾丸，又叫左虾云吞，冇谂过黑松露同虾系咁夹，每一啖都夹杂住黑松露既味道！老实讲，个汤好味到我根本冇乜点过酱料，哈哈！仲有叫左个羊肉片，竟然唔腥wor! 同埋好薄身，基本上渌一渌就熟左噜。值得推荐！临走竟然仲有糖水食，打完边炉成身庆合合，个糖水好贴心咁系冻架！帮手降降温～