2DP (已結業)

今日系万圣节正日，玩到兴起，当然系要玩乐完之后来到尖沙咀附近既甜品舖充下电啦！呢间座落于「尖沙咀美食街」厚福街既中心位置，其实都非常出名，开左好多年，仍然有KEEP住客似云来，必然有佢既优胜之处！首先，佢既空间非常阔大、灯光光猛、地板干净唔会湿漉漉或者好油腻，比食客一行入去就感觉到舒适、正面既感觉！然后，我同女朋友点左份蜜瓜牛乳刨冰，都算系呢间野既首本名菜，真系见到枱枱都点呢个，卖相几靓，啲圆碌碌既蜜瓜非常新鲜、润滑，牛奶刨冰既质感非常爽脱，加埋涂系蜜瓜边既炼奶，揉合起来既丝滑感觉非常深刻！建议大家去到，如果系两个人既话，就点一份试下！一个人系肯定食唔哂架。