Forever 友緣西餐 (已結業)

个个都话元朗有好多好野食，今次朋友仔带我黎呢度食西餐，呢度气氛唔错，同埋位置都几宽敞。一坐低，侍应就攞左个餐前饮品比我地，系苹果乳酸，都几特别，因为好少餐厅会有餐前饮品。今晚既SET DINNER，我地已经有心水啦。餐汤系蕃茄洋葱汤，浓浓既蕃茄味，我好钟意呢。餐包好特别，竟然系牛角包，个包好香，好有牛油味，微暖好松脆。呢个肉眼扒真系不得了，有10安士，叫左7成熟，咬落去好软身，D肉汁系个口度涌出黎，点埋个黑松露汁，再食到多一个层次。朋友就叫左烧春鸡，烤得好香口，但又唔会过份，鸡肉仍然好JUICY，而且唔韧。饮品可以转特饮，呢个系韩国苹果茶，有苹果粒粒，酸酸甜甜。