影片
更多
2022-05-20
14 浏览
餐厅位于佐敦位置，放工由柯士甸站慢慢行过泥，都好容易揾到餐厅装潢使用日式风格，店铺空间唔算大，但枱与枱之间都有空间距离，唔会同隔离枱好贴近，可以同三五知己倾计都唔怕隔离枱听到或者太大声。老板亲自负责楼面、十分亲切招呼客人，系到未开始食饭已经好舒服。选择好食咩只需影QR Code落单，十分方便。老板亲切介绍依家做紧优惠：啤酒买一送一。落完单之后，老板热情地为我地送上蕃茄做前菜，蕃茄配上柚子汁，小小酸味真系几开胃。老板好醒目咁问我地需唔需要先送上一杯啤酒，留返第二杯之后上，串物都好快陆续送上。加分位系，烧物上碟时大部份都会包括沙津菜，除左影相时会靓好多之外，重点系可以食多啲菜，其他串烧店一定冇菜。睇得出老板真系好用心经营。会再帮衬一定系因为老板好人，用心经营，亲切招待，重点系食物高质但价钱唔贵！多多支持小店！＜必食推介>焦糖烧菠萝$28依个焦糖烧菠萝劲好食，食完一个再叫多一个食！推介大家一定要试下，之前系其他餐厅食既焦糖烧菠萝都会有一大块焦糖系面头包住个菠萝，食到痴晒牙，但依到既焦糖系少量但好足够，食落碎焦糖位份系脆卜卜架！菠萝粒粒都厚肉劲甜劲juicy，真系食到停唔到口，要再叫多
餐厅装潢使用日式风格，店铺空间唔算大，但枱与枱之间都有空间距离，唔会同隔离枱好贴近，可以同三五知己倾计都唔怕隔离枱听到或者太大声。
老板亲自负责楼面、十分亲切招呼客人，系到未开始食饭已经好舒服。选择好食咩只需影QR Code落单，十分方便。老板亲切介绍依家做紧优惠：啤酒买一送一。落完单之后，老板热情地为我地送上蕃茄做前菜，蕃茄配上柚子汁，小小酸味真系几开胃。老板好醒目咁问我地需唔需要先送上一杯啤酒，留返第二杯之后上，串物都好快陆续送上。加分位系，烧物上碟时大部份都会包括沙津菜，除左影相时会靓好多之外，重点系可以食多啲菜，其他串烧店一定冇菜。睇得出老板真系好用心经营。会再帮衬一定系因为老板好人，用心经营，亲切招待，重点系食物高质但价钱唔贵！多多支持小店！
＜必食推介>焦糖烧菠萝$28
依个焦糖烧菠萝劲好食，食完一个再叫多一个食！推介大家一定要试下，之前系其他餐厅食既焦糖烧菠萝都会有一大块焦糖系面头包住个菠萝，食到痴晒牙，但依到既焦糖系少量但好足够，食落碎焦糖位份系脆卜卜架！菠萝粒粒都厚肉劲甜劲juicy，真系食到停唔到口，要再叫多一份！一试难忘呀！摆盘上菜都切到好靓。
焦糖烧菠萝
$28
2 浏览
0 赞好
0 留言
＜必食推介>安格斯肥牛汤乌冬$78
一大碗热辣辣既汤乌冬配上安格斯肥牛，肥牛切到好薄，每块都半生熟，唔会全熟先上菜，汤乌冬汤底都算清味道唔会过浓。乌冬好分量好多，再配埋串物食真系食唔晒啲乌冬。
安格斯肥牛汤乌冬
$78
1 浏览
0 赞好
0 留言
＜必食推介>炸墨鱼咀$36 ＆ 吉列炸生蚝(2件)$36
同样都系炸物，可以一齐上碟， 炸物新鲜炸起，呈金黄色唔会炸到㶶左，炸粉唔厚，炸到脆卜卜但墨鱼咀同生蚝依然好juicy同好有咬口。分量多，2个人share食岩岩好。
炸墨鱼咀$36 ＆ 吉列炸生蚝(2件)$36
0 浏览
0 赞好
0 留言
烧茄子串$18
茄子大大块，有２块成一串，擦上烧烤汁再加上木鱼，茄子烧到爽口唔会过分淋晒。
烧茄子
$18
1 浏览
0 赞好
0 留言
厚烧牛舌$48
名副其实既＂厚＂烧，一碟有5块，每件都切到好厚，牛舌肉质软淋入晒味。
厚烧牛舌
$48
1 浏览
0 赞好
0 留言
露荀豚肉串$28
露荀好爽脆，食落有烧烤香味，豚肉好透薄。
日本鸡肾$28 & 日本鸡心$24
鸡肾有咬口，size都算大粒，唔似得出面食既净系七味粉
📍串本屋
🔎油麻地渡船角文蔚街5号文苑楼地下A号舖
张贴
