炭火地雞 (已結業)

呢间日式串烧店环境很雅致简约，店内灯光柔和，装饰摆设都会呈现出日本传统风格元素，以木质桌椅为主调，营造舒适氛围，时刻都播著日本音乐，很有日本文化气息。最近天气好热，我哋一到步就order咗两杯饮品，特别推介🙌🏻菠萝冰乳酸，酸酸甜甜，低糖口味，饮落非常清爽开胃。嚟到呢度梗系要order 鸡嘅产品，鸡翅串入口香脆，表面有海盐，咸咸地，好惹味。免治鸡肉棒，咬落多汁，沾上月见（蛋黄），更添滑溜！另一道特色菜系鸡肝酱多士，多士烧得非常香脆，搭配浓郁鸡肝酱，外脆内柔软，口感丰富独特，让人感到惊喜！黑松露带子烧卖相精美，带子口感鲜嫩，烧烤火候恰到好处，黑松露味道浓郁醇厚，我哋都有encore！猪肉鹌鹑蛋黑豚肉包住鹌鹑蛋，猪肉口感鲜美，咬落有油香，两者搭配让味道更加丰富。鸡汤面嘅鸡汤，好似屋企啲老火汤咁正！食食下串烧又想食返啲菜👉🏻春菊水菜沙律，清爽可口，初初见到觉得有啲似芫荽，入口完全系另一回事，春菊水菜食落清爽，甜甜地，完全冇青草味！好fresh🫶🏻