掌壽司 (已結業)

又去观塘工业大厦觅食,今次又比我符符碌碌食到间有质素嘅日式餐厅。餐厅装修简约为主,仲有刺身吧枱可以见到师傅系面前制作。每个午市套餐都会有日式蒸蛋,入面仲有葱同蟹柳,个蛋蒸得啱啱好,好嫩滑。仲有加左蚬肉同海带嘅面豉汤,饮落鲜甜。有7款新鲜刺身,有齐三文鱼,带子,吞拿鱼,八爪鱼,海胆,油甘鱼同牡丹虾。每款刺身食落够冰冻,而且亦够新鲜,特别系海胆够晒鲜甜完全唔会有腥味,牡丹虾亦够大只同爽口。有足足半条鳗鱼系饭上,鳗鱼上仲有紫菜同大豆芽作为配菜。鳗鱼亦算厚肉肥美,配上甜甜嘅蒲烧汁,越食越开胃。