CHI Tachinomi (屯門市廣場) (已結業)

今朝顺利考完试，紧系要同朋友食返餐好既庆祝下啦黎左呢间屯门市广场既CHI TACHINOMI，食个靓靓满足日本野做午餐格局都几好睇，坐得舒服，环境唔错。午市有定食套餐，叫个主食包野饮同小食。我叫左个鳗鱼饭，估唔到鳗鱼都几多，多到差啲睇唔到下面啲饭，而家味道口感亦高质，唔会煮到变到劲淋，反而好弹牙有咬口。下面啲饭亦索晒鳗鱼汁，超正！朋友叫左个大阪牛肉，一上枱已经好浓既牛味，牛肉一啲都唔靭，易入口，好食小食叫左玉子烧同鸡肉丸。玉子烧好香蛋味，唔会雪到变左好硬一旧砖咁，反而有啲似日本街边食个啲鸡肉丸啲肉好实，一啲都无偷工减料小食我地再另外叫左牛舌同猪腩葡萄卷。香喷喷既猪腩入面包住劲甜既提子，估唔到又几match几好食，好正呀！