MR. MAKI (保和大廈) (已結業)

湾仔新开张嘅日式外卖小店，位置对一般人来讲应该唔算就脚但系就系我屋企附近，所以今日放工专程走过嚟叫咗两份外卖。确实非常有惊喜，做得非常用心，湾仔区嘅朋友可以黎试一试啊。🌟带子被困火焰山 $59一睇到个名就好有画面，出到嚟嘅成品亦都系非常之贴切，呢款卷物有齐带子、蟹棒、青瓜、蟹子同埋牛油果，非常之足料，加上火炙芝士系面，食落好有层次。🌟鱼全部都系鱼 $69确实里里外外都系鱼，吞拿鱼摆喺面，而三文鱼就夹喺卷物入面，仲加咗一啲炸物脆脆同蟹子，食落有脆有软真系好过瘾。🌟先生炸鸡 / 番薯条新店开张仲有优惠，加$15就有小食、沙律同埋饮品，今次分别试咗炸鸡同埋番薯条，两样都系即叫即炸，炸鸡当然有鸡味啦，仲好Juicy，而番薯条就更加值得试，呢个价钱买到番薯条性价比真系好高。