町町丼丼 (駱駝漆大廈2座) (已搬遷) 新店位置

地址－町町丼丼观塘开源道62号骆驼漆大厦2座10楼A室💋韩式部队锅(配乌冬)，居然部队锅可以外卖，咁我就当然叫黎试下啦，佢都好贴心地将乌冬同汤分装，就算路途再遥远都好，都唔怕会浸到涨晒，值得一赞，佢D配料方面同平时所见的都会出现，都系会有茄汁豆，肠仔，午餐肉等，最正系佢D牛糕烟烟韧韧咁，而且佢个汤底够辣，所以食得好满足，配埋D弹牙嘅乌冬，令人不禁咁食左唔少，嘻。💋汁烧鳗鱼丼，佢比的鳗鱼都唔算细条，食落冇细骨，唔错，我好怕鳗鱼有D细骨，所以我平时都食食得格外小心，佢鱼质爽滑，佢D鳗鱼汁比得好慷慨，配埋鳗鱼一齐食，劲正，佢D珍珠饭索晒D鳗鱼汁，好好送饭。💋矶烧鱿鱼天妇罗配黑椒蛋黄酱，呢个一开盖时就有阵紫菜味薯片的香味噗鼻而来，佢比数量都唔少，佢个表层有D紫菜碎，食落唔错，而佢里面的鱿鱼劲弹牙，蘸埋佢个黑椒蛋黄酱，带一点香辣，正。💋榴梿炸弹(4粒)，真系估唔到外卖都有得拣榴梿炸弹，朋友同我都系榴梿的狂热份子，咁当然叫黎食啦，仲使讲咩！佢就算拎到回家都仲保持住外脆内烟韧的口感，一咬开就有榴梿馅咇出黎，劲正！