八不·壽喜燒

营业中

休息中

上个星期六放学行过见门面几有和风特色，所以拉埋个同学仔一齐入去医肚。店舖不太，可容纳二十人左右，但都有唔少选择，而且用QR code落单，非常方便。里面装修同门面一样咁有和风特色。天气咁冻，好似得10度，当然要食个寿喜锅暖下身。$148真系几抵食，包一碟牛板腱、一盘菜和葛丝、一只蛋、一壶寿喜烧汁和一壶清汤。两个女仔share加一至两款小食都够饱。望落好丰富睇个样就知碟牛板腱质素唔差。轻轻加热然后沾上少少蛋液食落几有牛肉香，口感弹牙顺滑，又唔油腻，会唔觉唔觉一片一片咁食哂。除左牛板腱，包既蔬菜都好新鲜，而且份量又不少，例如：南瓜有两片，两个人share都唔洗争食。一口和牛好有油脂香，煎到有d脆边，一口咬落去，d油脂爆哂出黎，几过瘾。最后，侍应姐姐仲送左罐橙汁同苹果汁比我地饮。我果罐橙汁酸酸甜甜，无X汁先生咁甜，感觉天然同健康好多。