大吉居酒屋 (已結業)

星期六约咗好朋友出中环行街shopping🛍 ，行到六点几就开始觉得攰 ，但系又唔系好肚饿住😬，朋友就建议上🌸大吉居酒屋🌸食少少嘢坐下休息一阵。 原来呢间大吉居酒屋之前系做放题嘅，近来先至转型做咗居酒屋 😮，咁就一于上去坐下啰。佢系喺一幢大厦嘅二楼，上到去发现格局真系好日本feel 。用咗好多木嘅装修而且又挂满旗仔 🎏，四周围仲放满唔同嘅酒 🍶，钟意饮酒嘅朋友一定啱晒。见佢个餐牌都有好多唔同嘅日式食物，有寿司、刺身、炸物同其他熟食等等🍣。我畀佢个海胆三重奏吸引住。个餐牌写住佢有牡丹虾，海胆，吞拿鱼仲有三文鱼子去组成一个海胆三重奏杯😍实物上到嚟之后发现佢仲有一啲蟹肉蟹籽同饭垫底，亦有一啲用清汤整成嘅透明啫喱冻。侍应仲另外畀咗一啲紫菜我哋，话系可以用嚟包住呢个饭嚟食。食落去海胆鲜甜而且吞拿鱼一啲都唔腥 ，无论包紫菜定就咁滗嚟食都好好食，口感好丰富。赤味噌煮牛筋牛舌 配咗半个糖心蛋😃 啲牛煮到入晒味牛筋够林， 呢个用嚟送饭应该会非常一流🍚汁烧鱿鱼筒 呢个鱿鱼筒分量够晒多 。虽然话系汁烧但系唔会整到好干，鱿鱼食落好弹牙， 调味都刚刚好，不知不觉食下又一旧，食下又一旧👍🏼亦都要赞下啲侍应非常有礼