無敵家

营业中

休息中

同朋友喺中环行完街，就周围揾吓嘢食，见到有间居酒屋外形好有日本嘅感觉，就入去试吓食先。入面嘅装饰真系好似置身喺日本嘅居酒屋一样。🟥串烧今次叫左3款串烧试吓。第一款系厚切牛舌，烧得好香同埋真系好厚，而且唔会好韧，朋友唔系太钟意食牛舌都觉得好味！第二款叫左生蚝烟肉卷，好少见到呢个组合既串烧，所以就叫左黎试下，两样加埋都几夹，蚝味浓唔会腥，几特别可以一试。第三款叫左盐烧白鳝，最近爱上左食烧鱼，所以叫左黎食，有惊喜！个Size好厚鱼肉好肥美，而且烧得岩岩好唔会干身！🟪烧原条明太子平时食明太子寿司或者饭团比较多，未试过烧既明太子，所以叫黎试下。平时就咁食明太子会好咸，所以餐厅安排左一片片青瓜俾我地夹埋黎食，可以中和到咸味。烧左既明太子好香口，好好食！🟧温泉蛋牛肉汤乌冬汤底清甜，而且牛肉既份量好多，好抵食。🟨猪软骨拉面拉面个汤底比乌冬更加甜，唔系味精汤底，猪软骨大大旧好淋🟦苹果梳打叫左杯梳打，酸酸甜甜，苹果味浓。