影片
更多
2023-05-08
18 浏览
好耐冇食日式拉面，呢日经过新都城见到间主打日式拉面嘅餐厅，仲标榜冇味精，一于入去食碗拉面先。餐牌有几款拉面，包括鱼介、味噌、黑蒜、葱油同辛辣。价钱大约$88-$98，跟餐$128，已经包咗拉面、小食、替玉同饮品，又几抵食。点菜时仲可以根据自己口味，选择拉面嘅硬度。日本鱼干猪骨汤拉面 - 据闻汤底系用四种鲜鱼，加上秘制猪骨汤底煮成，唔怪之得未到咁浓郁啦。有两片肥瘦适中嘅叉烧，仲有温泉蛋。面质弹牙，就算食到最后，面质都唔会淋晒。博多黑蒜油拉面 - 入口充满黑蒜油香味，加埋葱油同大大块叉烧，口感层次非常丰富。面质一样弹牙好味，温泉蛋煮得啱啱好。另外值得一赞，套餐入边包嘅替玉，份量相当大，差唔多足一个面嘅份量。小食点咗肉饺子，一客有五只。饺子煎得香脆，热辣辣，真心好味。餐饮可选多款汽水或热玫瑰花茶，呢个套餐相当抵食。
好耐冇食日式拉面，呢日经过新都城见到间主打日式拉面嘅餐厅，仲标榜冇味精，一于入去食碗拉面先。
餐牌有几款拉面，包括鱼介、味噌、黑蒜、葱油同辛辣。价钱大约$88-$98，跟餐$128，已经包咗拉面、小食、替玉同饮品，又几抵食。点菜时仲可以根据自己口味，选择拉面嘅硬度。
日本鱼干猪骨汤拉面 - 据闻汤底系用四种鲜鱼，加上秘制猪骨汤底煮成，唔怪之得未到咁浓郁啦。有两片肥瘦适中嘅叉烧，仲有温泉蛋。面质弹牙，就算食到最后，面质都唔会淋晒。
博多黑蒜油拉面 - 入口充满黑蒜油香味，加埋葱油同大大块叉烧，口感层次非常丰富。面质一样弹牙好味，温泉蛋煮得啱啱好。
另外值得一赞，套餐入边包嘅替玉，份量相当大，差唔多足一个面嘅份量。
小食点咗肉饺子，一客有五只。饺子煎得香脆，热辣辣，真心好味。
餐饮可选多款汽水或热玫瑰花茶，呢个套餐相当抵食。
张贴
