相馬日式火鍋 (已結業)

朋友话呢间餐厅食物质素唔错，于是去试吓，呢度牛肉同黑豚肉各有4个套餐提供，我哋拣咗日本鹿儿岛顶级黑豚升级套餐，呢个餐提供美国进口牛肉🥩🥩，黑豚肉同鸡肉汤底方面，我同朋友都想试多一个款，于是拣咗鸳鸯锅，分别系豚骨，中华辣汤，侍应会先将三款肉送上枱，黑豚肉得切得薄薄的，的唔怕渌唔熟，牛肉卖相都好靓，食入口，两款都好 juicy，肉质鲜嫩😍😍另外有各款丸类同蔬菜都系自助形式，种类真系好多，蔬菜都好新鲜，特别钟意食西洋菜同苦瓜，苦瓜加系中华辣汤𠮶边，吸收左啲汤汁，好滋味👍🏻👍🏻炸物同串烧都系即点即炸，即烧，当中特别喜欢佢嘅炸鸡翼好好味，而串烧分别有酱烧，盐烧同味噌烧三款选择，以我个人特别推介嘅就系芦笋腩肉卷盐烧，腩肉包住条一条条新鲜嘅芦笋，入口鲜甜，完全唔会觉得肥腻，另外就系薄烧牛舌同鸡软骨串，酱烧好好味😋😋呢个餐系包括饮品同雪糕放题嘅，系甜品方面除咗雪糕之仲有雪条，布甸等等提供，当中嘅红豆雪条唔错🥳🥳