鳴橋燒肉料理 (已結業)

朋友好耐之前已经介绍过我食呢间烧肉放题 但一直冇左回事 前排系旺角时 比佢个好日式既灯笼吸引左 就醒起有朋友推介过一于试试啦！佢有得单点或者放题咁食 见佢放题又唔系好贵 就试试啦 重加埋星级 可以试更加多添🤣佢其实有好多种类既食品 烧肉本身已经有好多种 重要有埋刺身熟食 我同朋友都几惊喜😳我地叫左甜虾 带子 三文鱼 佢既刺身好新鲜 同好鲜甜 不过要留肚食其他 所以就每样嗌少少先！熟食好多都唔错 但我最中意系蕃薯仔 好甜好香 外脆内软 正！我地都叫左好多款肉试下 佢烧肉个炉同平时日式烧肉唔同 佢唔系用网既 系用铁板上面铺左牛油纸 虽然烧点肉个时冇左个网纹 但系就唔怕烧得好焦 热力分布好平均 蔬菜同海鲜都容易烧左🤣肉类方面有猪牛鸡 啲肉会用唔同既腌制方法 可以跟自己喜好去拣👍我就比较中意拣盐烧 因为原汁原味啲😎为免太热气 我地嗌左凉茶 今日系罗汉果茶 饮落好甘甜 唔系稀释左或者加好多糖水个种 真材实料👍最后食到好饱 要多个雪米糍同胡麻蛋糕就棒住个肚走了🤰🏻