佐賀山田 (已結業)

依间日式任食烧烤或火锅放题，新开一段时间，见佢装修好精致，想去食好耐，今日终于有机会。见到个餐牌，火锅同烧烤都各有特色又多选择....心大心细，最终拣左烧肉松放题 美国 SRF 安格斯和牛（120 分钟）。 牛肉、猪肉、鸡肉、海鲜、蔬菜各样都有十几款，坐低无几耐已经送上一个牛肉拼盘，有美国高级既牛肉及和牛，虽然系任食都质素都非常高，唔马虎，牛肉肉味香浓又有油香。 猪肉肥瘦均匀，味道都唔错。鸡肉就鸡爽肉最有特色。 海鲜都好正，牛油焗蚬同生蚝，好新鲜又肥美，Encore 左几次。另外牛油带子都好味。值得推介既仲有甲罗烧，出面任食放题好少有得order, 烧蟹羔好香好鲜味。除左烧肉，仲有炸物order, 炸鸡炸鱼仔，即炸热辣辣，味道唔错。出面有各种饮品选择都几多，仲有前菜沙律同甜品。 日本雪条都有几款，仲有雪糕。整体食物质素一流，服务员服务又好，地方干净宽敞，好丰富满足既一餐。