花木日本料理 (已結業)

有朋友系外国番黎，佢钟意食日本菜，我念念下除左去放题之外，不如同佢去尖沙嘴试下啲高级既日式料理。我地去左花木日本料理。入到去装修非常高档，而且极具日本风。我地睇完个menu，发觉佢有唔同种类既野食，有刺身，卷物寿司，小卷，军舰，烧物，和食，寿喜烧，饭面同甜品等等。我地就叫左梅刺身 (4点) (HKD 388)，花木仲买人特选寿司 (HKD 398)，日式什锦蔬菜锅 (HKD 288)同埋冲绳豚肉野菜炒面 (HKD 118)。系等啲主食黎之前，我地有前菜食有黑松露豆腐，甜蕃茄同炸蟹仔，味道都唔错。而梅刺身有虾同鱼刺身，卖相唔错，食落去非常鲜甜美味。至于个特选寿司，多达12款。有鱼，带子，海胆，虾刺身同玉子寿司。我个人比较钟意带子刺身，味道好鲜甜又啖啖肉。而佢既海胆有成只手指公咁大多。 佢个味噌汤一啲都唔咸，好清甜。佢个什锦蔬菜窝有豆腐，生菜，菇类同葱头等等，汤底系味噌汤，又大份又健康。佢个豚肉炒面味道唔错，豚肉好稔，而且仲有椒同紫菜做配菜。