Nomad (已結業)

平时好少会入深水埗，难得今次约左好耐冇见嘅朋友，佢地就拣左而间日式Cafe。入面嘅装修俾到一种好warm嘅感觉我，好似入左一个日本人嘅屋企咁嘅感觉食物我就叫左日式咖哩吉列蚝定食同一个小食share－芥末八爪鱼。首先讲下小食先，佢系连埋个紫菜一齐上嘅，食嘅时侯将啲八爪鱼摆上个紫菜上包住黎食，食落好好咬口，芥末味好重但又唔会有攻鼻嘅感觉，加埋紫菜摆入口又烟靭又脆脆地咁，做开胃少菜岩晒。黎到主角「日式咖喱吉列蚝定食」啦。吉列蚝咬落口好juicy好脆，啲蚝好鲜甜，摆入口唔会有平时外面某d铺头个阵蚝腥味。咖哩捞落啲饭到唔会话太浓味抢左个饭香，食到粒粒分明嘅饭粒之余仲食到好正嘅咖哩香，咖哩入面仲有啲薯仔粒好足料，味道微辣微辣咁好惹味。定食仲跟埋一个面豉汤同一碟酸酸地嘅配菜，饮完碗汤之后可以好好咁为而一餐饭画上一个句号。