宮葉 パフェ (已結業)

难得大家收早, 又系约个返屋企嘅中间点-太子食个便饭, 夜晚6点半, 未行到门口已经见到人头涌涌, 吹吹水, 大约二十分钟就轮到我地.Menu由前菜, 主食, 甜品至近排好hit嘅鲜水果茶都有, 系有点眼花撩乱, 但饿, 食正餐. 吉野牛肉拉面(HKD52) 首先单凭typical大大个日式拉面碗已俾人正宗日本feel. 标准配料如紫菜两大片, 笋, 碎京葱, 青葱粒, 云耳全部有齐, 无马虎skip边样. 喺勺子上的半只溏心蛋, 半熟蛋黄好味, 牛肉份量够, 最钟意系无太多肥膏黏著肉片, 厚薄适中, 又香又juicy. 汤底好浓而拉面好弹牙, 个人超好九州style拉面, 这里价钱的水准可以媲美很多上百元一碗的名牌拉面呢. 盐烧鲭鱼（忘了几钱） 有趣的是, menu内占大篇幅竟是我最爱的甜品, 可惜外面等候人数多得夸张所以放弃了. 鲭鱼非常厚身, 鱼骨一夹便出来, 正合我这些容易哽鱼骨的人, 个人最爱烧得微脆的外皮(朋友竟想把皮夹走一边😂), 唧了点柠檬汁, 夹附一少箸萝卜蓉吃, 鱼肉又滑又清新, 秒速清碟, 甜品唯有下次吧！