MR. MAKI (金巴利大廈)

营业中

休息中

同FD去尖沙咀行婚纱街，FD话有间细细嘅日本嘢一直有帮衬，地胆有推荐，咁就食哩间啦。哩间铺头唔大，装修都几靓，嘢食都几丰富，有日本卷同饭可以拣。FD话要食进击的鳗鱼，我就拣咗先生牛肉饭，加20HKD左右已经可以包埋一份小食，沙律同饮品。先生牛肉饭好快来咗，小食系炸番薯条同埋搭配咗可乐。牛肉饭好大一份，仲搭配咗洋葱同沙律，酱汁喺有少少甜味同埋都比得几多，同牛肉一齐食超match。已经叫咗少饭，但都好大一份，最后都食唔哂。炸番薯条又真系好得意，薯条就食得多，番薯条好少有机会食得到。番薯条送上来仲热笠笠，食落好脆口，同埋啲番薯劲甜LOL，唔洗点茄汁已经超好味。进击的鳗鱼好大一份，有鳗鱼，蟹柳，芝士，牛油果同木鱼丝。酱汁系普通鳗鱼酱味，成件卷食落口感好丰富，估唔到牛油果同鳗鱼可以咁夹，真系食到停唔落口。加咗19HKD仲有4件炸鸡，以为会细细件，睇到真系O哂嘴，超大一件㖞。炸鸡系即叫即整，仲加咗芥辣酱，超好味。地胆真系冇推荐错，真系食得超满足！