醉吾串

营业中

休息中

Happy Friday~大家都系 #屯门友~当然近近地~黎左哩间屯门区既高质日式串烧店chill一chill啦~一坐底~当然叫左野饮先啦~听闻哩度既cocktail都几唔错~House Special一入口就已经饮到酒既香味~再加埋菠萝味同橙汁既衬托~容易入口~女仕们一定钟意~芒果沙冰哩杯系冇酒精既~浓浓的芒果味~口感绵滑~够fresh又唔会太甜~北海道紫海胆配冲绳海葡萄海胆鲜甜美味~配合埋爽脆咸鲜既海葡萄一齐食~估佢唔到又几夹bor~齿颊留香呀!!和风薯条薯条热辣辣~内脆外软~沾上咸香咸香既明太子酱~再加上紫菜既点缀~用黎送酒真系一流~炸鱿鱼圈唔会太厚粉~亦唔会太油腻~鱿鱼圈真材实料之余~咬落仲唔会好韧添~串烧方面~睇得出师傅用心制作~我地叫左~鸡翼哩个鸡翼~完全睇得出师傅既用心~开边咁烧~除左令到鸡翼更加易熟之外~仲可以令到成块鸡皮食落都系脆卜卜咁~真系好好味~鸡柳店员都有温馨提示我地鸡柳唔会烧得太熟~里面系生生地咁~不过绝对放心~可以安全食用的~咬开内里粉粉的~口感十分鲜嫩软腍~再配埋鸡柳上既柚子胡椒~食落感觉更清新~鸡软骨鸡软骨爽脆~再加上七味粉既调味~更加惹味~鹌鹑蛋第一次