KOKOMI (已結業)

之前食过呢间餐厅一次，但太忙无写到食评，适逢同事生日，想食返呢间日本嘢，yeah机会嚟啦飞云!!呢间餐厅嘅装修相当西式，唔似一般嘅日本餐厅有塔塔米播日本歌之类，斋睇个环境令人以为杯呢度有得嗌返杯cocktail饮下哈哈我地大部份人都点左kokomi便当，跟餐有面豉汤，清清地几好饮，个便当系一个两层嘅盒，下面𠮶层有芝麻磨菇炒饭，炒饭加咗芝麻好香，菇味都好足，我呢个饭筒简直好想叫佢多饭呀上面𠮶层分开两边，一边系刺身，一边系熟食，刺身我分唔到系咩鱼，不过食得出好新鲜，好肥美，熟食𠮶边有好多唔同种类嘅食物，每一款都好好食，首推烧鲭鱼同迷你紫薯天妇罗，做得非常出色，另外杏仁墨鱼丸都好特别，一块块嘅杏仁片包住爽口弹牙嘅墨鱼丸，我都系第一次见咋，口感都几得意，其实玉子都唔错，可能最后先食，已经好饱啦，所以无乜特别感觉啦呢间店嘅水准非常唔错，绝对可以一试再试，虽然有少少贵，但开得系PP都预咗㗎啦，期待下次嚟试新嘢~