千之味刺身壽司專門店 (雅都花園)

营业中

休息中

千之味，优质日本食品店，主打刺身同各类型寿司，见到落单后佢哋系即叫即整，寿司饭醋味啱啱好，略带酸甜，而且大细适中，正常男人可以一啖食晒入口，寿司饭唔会握得过实，饭粒尚算粒粒分明，食落口感唔错。寿司2件 $12-$40整体嚟讲寿司上面嘅配料都够大，完全覆盖成嚿饭，一啲都唔寒酸。鱼生新鲜有光泽，三文鱼略带粉红，颜色好靓，厚度适中，唔会话太薄身，入口会食到鲜甜味。我仲嗌咗左口鱼、油甘鱼同鳗鱼，全部都好好食，鳗鱼汁够浓，同啲寿司饭真系好夹。吉列炸虾大大条，炸得够香脆，表面唔会太厚粉，炸配埋蛋黄酱，真系好食到停唔到口。蟹子军舰2件 $16军舰大细适中，蟹子分量多到泻，颜色够红够亮丽通透，卖相吸引，一啖放落口 满嘴蟹子，好味过瘾。花之卷3件 $48高质三文鱼配上满到泻嘅蟹子，想同时享受两种满足嘅话一定要试呢个，当然你想嘅话可以分开食三文鱼寿司同埋蟹子军舰，其实都差唔多。软壳蟹反卷4件 $48软壳蟹炸得香酥宜咬，炸物配蛋黄酱根本就系王道，味道十分之好，隔离仲会附送一啲青瓜丝畀我哋解下腻，好贴心。