Nunu燒 (已結業)

出开中环饮嘢，饮嘢之前当然食返啲嘢先啦。今次就去咗喺兰桂坊附近嘅日本餐厅度食。以为系得兰桂坊价钱会好贵，但系呢一间相对来讲比较合理，亦有好多价钱相宜嘅鱼生，寿司同埋定食。炙烧左口鱼裙边寿司烧得好香口但系亦都唔会令到成块鱼生干晒，相当唔错。油甘鱼腩鱼生每块都系厚切鱼生，食落非常有质感，而且食材新鲜，一啲都唔腥，值得一赞。芝士鹅肝石锅饭三块非常厚嘅鹅肝加上芝士放喺石锅饭上面，基本上净系鹅肝嘅size都已经值回票价，食落外脆内软，自助餐嘅鹅肝根本冇得比，强烈推荐要试吓呢个。食完total三百零蚊，已地点同埋食材嚟计，性价比都相当高。