影片
更多
2021-04-15
122 浏览
天后食肆林立，每次嚟呢头都选择困难症病发。今日一拣再拣，就拣咗呢间装修和风满满嘅居酒屋试吓，6点几嚟到已经差唔多坐满，始乎好高人气㖞！入座之后店员好细心去介绍店内嘅菜式，于是有啲系跟佢嘅推介，另外再加啲自己想食嘅。【松叶蟹钳配三文鱼籽酱】我同老婆一人拣一个沙律，老婆拣咗呢款系「季节限定」嘅，佢唔钟意食蟹柳，只食真脚肉，呢款沙律就啱晒佢！松叶蟹钳鲜甜，三文鱼籽酱啲鱼籽粉粉饱满，呢个配搭都几新鲜好食！【照烧鸡扒柚子沙律】我就拣咗个比较饱肚嘅，鸡扒大大块，照烧汁好惹味。柚子醋配沙律菜好清新！【日本产A4吉列和牛三文治（120g） 】店员推介嘅招牌菜，其实喺门口见到宣传海报已经被吸引住，和牛加海胆加鱼子酱呢个配搭真系好奢华、好吸引！上到枱个卖相超级IGable，我影咗超多相，哈哈！面包烤到脆卜卜，吉列和牛外脆内嫩，牛味浓郁又唔韧，无论系配海胆或鱼子酱都好夹！因为包够脆、牛唔韧，所以即使好厚都可以一口咬开，唔驶分层食咁麻烦，一啖入面有齐多种滋味，おいしいね！！【串烧】嚟居酒屋，其中最期待嘅系串烧，可以食好款唔同嘅食材，每款食少少咁。今次拣咗以下六款：鸡肉博多冬菇 ー烧冬菇个阵味闻落好香，酿咗鸡肉
【松叶蟹钳配三文鱼籽酱】
我同老婆一人拣一个沙律，老婆拣咗呢款系「季节限定」嘅，佢唔钟意食蟹柳，只食真脚肉，呢款沙律就啱晒佢！松叶蟹钳鲜甜，三文鱼籽酱啲鱼籽粉粉饱满，呢个配搭都几新鲜好食！
【照烧鸡扒柚子沙律】
我就拣咗个比较饱肚嘅，鸡扒大大块，照烧汁好惹味。柚子醋配沙律菜好清新！
【日本产A4吉列和牛三文治（120g） 】
店员推介嘅招牌菜，其实喺门口见到宣传海报已经被吸引住，和牛加海胆加鱼子酱呢个配搭真系好奢华、好吸引！上到枱个卖相超级IGable，我影咗超多相，哈哈！面包烤到脆卜卜，吉列和牛外脆内嫩，牛味浓郁又唔韧，无论系配海胆或鱼子酱都好夹！因为包够脆、牛唔韧，所以即使好厚都可以一口咬开，唔驶分层食咁麻烦，一啖入面有齐多种滋味，おいしいね！！
【串烧】
嚟居酒屋，其中最期待嘅系串烧，可以食好款唔同嘅食材，每款食少少咁。今次拣咗以下六款：
鸡肉博多冬菇 ー烧冬菇个阵味闻落好香，酿咗鸡肉令成件事丰富咗。
黑豚荔枝卷 ー 呢个配搭几特别㖞！黑豚肉烧到微焦好香口，有啲似烟肉咁，而夹喺中间嘅荔枝肉啲甜味、同埋加埋啲辣椒粉就平衡返猪肉嘅油腻感。
脆烧豆腐 ー 烧到外层好脆口嘅豆腐，加埋啲木鱼片同酱汁好食！
银杏 ー 微甘唔苦，系靓嘅银杏，火候都啱啱好，外脆入面仲有水份。
免治鸡肉棒 ー 上面有烧到焦香嘅芝士，加埋个生蛋同啲酱汁好好食呀！
白鳝 ー 呢个超好食呀！白鳝厚身肥美，鱼皮烧到脆卜卜，再加埋啲辣椒粉，口感同味道都好高分！
【饮品】
拣咗两杯都系好可爱嘅饮品，上次放咗只用乌龙茶做嘅冰熊，佢好似系度浸浴咁，你可以尝试食埋佢嘅，哈哈！老婆就饮「芒果多多熊冰（含酒精） 」，入面加咗烧酒，但酒味唔会太重，女仔都啱饮！我就拣冇咁甜嘅「蜜桃乌龙熊茶」，真系唔会好甜㖞，淡淡嘅蜜桃香味配乌龙茶好清新！
最后要讲吓啲日本餐具真系好精致，多款唔同嘅碗碟，净系计影相都加晒分！至于食物方面，食材好高质、亦好新鲜！制作都睇得出好用心，基本上同Menu啲相系好接近，唔会「相片与实物不乎」，值得赞！
松叶蟹钳配三文鱼籽酱
$138
7 浏览
0 赞好
0 留言
松叶蟹钳配三文鱼籽酱
$138
2 浏览
0 赞好
0 留言
照烧鸡扒柚子沙律
$98
3 浏览
0 赞好
0 留言
芒果多多熊冰（含酒精）
$68
3 浏览
0 赞好
0 留言
蜜桃乌龙熊茶
$58
13 浏览
0 赞好
0 留言
日本产A4吉列和牛三文治（120g）
$338
5 浏览
0 赞好
0 留言
串烧 ー 鸡肉博多冬菇、黑豚荔枝卷、脆烧豆腐、银杏
8 浏览
0 赞好
0 留言
免治鸡肉棒（串烧）
$58
8 浏览
0 赞好
0 留言
白鳝（串烧）
$68
11 浏览
0 赞好
0 留言
张贴
