Akoya

营业中

休息中

呢间系朋友book嘅餐厅，佢都系听人讲啲野几好食，所以约我一齐去食。一入到去，店员就好好招呼，态度亲切，又指示个人物品可以放系凳底。坐底之后就叫左海胆汁烧蚝、6串串烧组合、明太子饭团、大虾沙律、甜薯，仲有焦糖布甸&雪糕🍮 呢几样入边我最钟意嘅系海胆汁烧蚝，因为个海胆汁非常之浓郁，而海胆汁底下烧蚝煮得啱啱好熟，同海胆汁好夹。串烧组合系可以试到唔同嘅款式，烧得好香。食嘅时候可以先试下唔点蛋汁，再试下点蛋汁2种食法。但系6串入边有一串系鸡翼，好难同人share，我自己就放弃左冇食到，比个friend食，佢都话唔错。明太子饭团、大虾沙律&甜薯，都好食嘅，但冇海胆汁烧蚝同埋串烧咁突出😋 布甸嘅焦糖味好香，焦香到我以为系㶶咗，其实没有。