木子居酒屋

营业中

休息中

餐厅空间感大，楼底十分够高，不单门面装修布置令人有种感觉如置身于日本居酒屋中。进入店面见到摆设，甚至当中嘅塔塔米都好设合主题，放工过黎食返餐，真系可以一解旅行隐。好开心店员安排塔塔米，坐落去高度不用屈膝，尚算舒适，好快，上了日本清酒。可爱嘅酒瓶，倒出黎嘅酒系零舍唔同，入口清新，有阵水果味，果然唔错。第一道小食有拖罗蓉脆脆烧饼，口感绝对丰富。顶层有炸脆嘅干葱，中间有分量十足嘅拖罗蓉配上脆口嘅米饼，值得一试。紧接落黎有牛油果松叶蟹肉壳卷，多层口感。牛油果香软嘅果肉包住炸香左嘅松叶蟹肉，食落清新不觉油腻。跟住落黎海鳗天妇罗，虽然又系炸，但呢个出奇地令人不禁食完一件紧接一件。海鳗厚肉无骨，配上外层脆浆，蘸上清新嘅淮盐，出面其他餐厅未必做到咁精致。另外厚烧牛舌心，真系好够厚切，外脆内还有肉汁，仲有保留到牛肉香味，绝对系靓货。最后黎个福冈冻荞麦面，给我一份清新嘅口感，加上温泉蛋，黎个凉拌冷面，为晚餐划上完美句号。绝对值得一试。