影片
更多
2024-11-05
82 浏览
今晚嚟食居酒屋，环境好舒服。舖面望落小小的，原来仲有上层嘅座位。一路播住日文嘅流行曲，好有置身日本嘅感觉。仲有唔同款式嘅梅酒、烧酎、啤酒，Menu都有好多佐酒小食，可惜我哋今日唔方便饮酒，如果唔系都想试吓🥺望住个餐牌花多眼乱，最后叫咗个二人餐加多两款烧物。🤭前菜：明太子薯仔沙律，本身以为会辣辣地，但佢加咗青瓜，令到个沙律好清新，仲有蟹肉添！鸡颈肉：唔系周围都有得食，所以试一试😋小小辣辣地，肉好结实，不愧系鸡郁得最多嘅部位🐔烧马刀贝：刺身就食得多，烧嘅第一次食。肉质爽口弹牙，虽然系烧嘅，但系唔会好干，甚至乎有少少爆汁嘅感觉。葱花同酱汁嘅配搭系锦上添花🤤生蚝：手掌咁大只，非常鲜甜肥美，有少少海水味，一摆落口就滑咗入喉咙🤣池鱼刺身：原条上，摆盘已经望落好吸引😍😍 食落好鲜甜，点埋个橙醋食酸酸地，非常开胃。好彩当日早咗去，隔篱枱想叫已经冇晒啦！马友一夜干：一嚟到已经闻到好香，烧到金黄色，食落油脂丰富，齿颊留香。鸭肉乌冬：喺东京食过鸭肉拉面就念念不忘，估唔到香港都食到，非常软腍🤤乌冬好烟靭，同泡菜都好夹。甜品有蕨饼同埋水晶豆沙糕，为呢餐我画上完美句号。🩷
望住个餐牌花多眼乱，最后叫咗个二人餐加多两款烧物。🤭
前菜：明太子薯仔沙律，本身以为会辣辣地，但佢加咗青瓜，令到个沙律好清新，仲有蟹肉添！
鸡颈肉：唔系周围都有得食，所以试一试😋小小辣辣地，肉好结实，不愧系鸡郁得最多嘅部位🐔
烧马刀贝：刺身就食得多，烧嘅第一次食。肉质爽口弹牙，虽然系烧嘅，但系唔会好干，甚至乎有少少爆汁嘅感觉。葱花同酱汁嘅配搭系锦上添花🤤
生蚝：手掌咁大只，非常鲜甜肥美，有少少海水味，一摆落口就滑咗入喉咙🤣
池鱼刺身：原条上，摆盘已经望落好吸引😍😍 食落好鲜甜，点埋个橙醋食酸酸地，非常开胃。好彩当日早咗去，隔篱枱想叫已经冇晒啦！
马友一夜干：一嚟到已经闻到好香，烧到金黄色，食落油脂丰富，齿颊留香。
鸭肉乌冬：喺东京食过鸭肉拉面就念念不忘，估唔到香港都食到，非常软腍🤤乌冬好烟靭，同泡菜都好夹。
甜品有蕨饼同埋水晶豆沙糕，为呢餐我画上完美句号。🩷
张贴
