浪人日本料理 (已結業)

上星期五同朋友庆祝生日，朋友之前食过觉得好得，所以今次再encore，全场入座率约有8成，放题嚟讲属中价，选择不算多，但质素好上菜快绝对值得一试。刺身约有十款，其中甜虾及油甘鱼最推介，甜虾鲜甜大只，而油甘鱼食到鱼油香，而其他如三文鱼、带子、北寄贝都OK，食得出唔系低价货。炸物方面，脆浆做得出色，而最钟意食炸蚝、虾天妇罗、炸鸡翼同炸芝士饼，全部上枱都热辣辣，香脆可口。串烧方面，我极力推介烧牛舌，腍中带爽，牛舌掌控最高境界；脆玉瓜又香又脆又多汁，唔好既我都试咗两粒；而其他选择有鸡软骨、鸡肾、茄子、车厘茄、饭团等等。一品料理我就推介铁板牛柳粒，刚好7-8成熟，好腍细细粒方便食；跟住仲有黄金带子，带子配上沙律酱，烧到金黄色，好香口。小食方面，朋友们最钟意蕃薯脆片同甜蕃薯，仲有蟹子沙律。甜品方面，只推介柚子味雪糕，柚子得嚟又唔会过甜。后记：如果有5-6个人，订位时可要求坐卡位，好似有少少私人空间感。