嵐山日本料理

营业中

休息中

岚山难得齐人食饭，约埋好朋友一齐庆祝，对自己好啲，当然食要食好啲啦。今日就选择左喱间听朋友极力推荐嘅日本餐厅，食餐豪嘅。入座后，感觉坐得好舒服，唔会话迫迫硖硖，环境优美雅致，柔和嘅灯光，为喱一餐打开序幕。睇一睇menu，选择非常多，有成13页菜单，另外加上一个独立嘅季节限定推介。我就系海胆迷黎嘅，睇到季节限定menu上面有北海道嘅海胆，当然要叫黎试下啦。叫左一件北海道海胆寿司，满满嘅海胆堆砌系寿司饭上面，多到差啲流出黎，份量十足嫁。海胆非常新鲜，喱种新鲜系拍得住系日本食咁新鲜，好鲜甜完全无腥味，我钟意北海道海胆嘅甘味同咸味无咁强，唔会盖过香甜味，非常出色。八点刺食得日本野紧系要叫刺身啦，今次就叫左佢嘅八点刺，有八款唔同嘅刺身。望落唔系份量好多，好似会唔够喉？咁又唔会㖞，因为每一片刺身都属于超厚切，而且切口好靓，水准好高。上面有大大旧海胆，海水味比北海道嘅重好多，食落比较咸。带子超大粒，又爽又甜，加埋少许柠檬汁吊下味更一流。而吞拿鱼同油甘鱼就系其中最出色嘅，非常肥美，油脂满载，入口甘香，鲜味十足，好高质素。